ភ្នំពេញ៖ ក្រសួងយុត្តិធម៌បានរៀបចំកម្មវិធីបរិច្ចាគឈាមដោយស្ម័គ្រចិត្តប្រចាំឆ្នាំ២០២៣ នៅថ្ងៃសៅរ៍ ទី២៣ ខែធ្នូនេះ ដើម្បីអបអរសាទរខួប៤៤ នៃទិវាជ័យជម្នះ ៧ មករា។
កម្មវិធីនេះធ្វើឡើងដោយមានកិច្ចសហការពីមន្ត្រីរាជការ និងអ្នកវិជ្ញាជីវៈក្នុងវិស័យយុត្តិធម៌ សរុបប្រមាណជាង ៣០០នាក់។
ក្រសួងយុត្តិធម៌បញ្ជាក់ថា ការបរិច្ចាគឈាមដោយស្ម័គ្រចិត្តនេះគឺដើម្បីអបអរសាទរខួបអនុស្សាវរីយ៍លើកទី៤៤ នៃទិវាជ័យជំនះ ៧ មករា ដែលជាថ្ងៃប្រកបដោយអត្ថន័យជាប្រវត្តិសាស្ត្រសម្រាប់ប្រជាជាតិកម្ពុជាទាំងមូល និងជាថ្ងៃដែលប្រជាជនកម្ពុជាទាំងអស់ត្រូវបានសង្គ្រោះឱ្យរស់រានមានជីវិតសាជាថ្មីពីរបបប្រល័យពូជសាសន៍ ក៏ដូចជាដើម្បីចូលរួមចំណែកក្នុងសកម្មភាពសង្គម និងមនុស្សធម៌៕
